Աշխատանքային պայմանագրեր (5 տեսակ)

Աշխատակցի, տնօրենի, գլխավոր հաշվապահի, աշակերտի (մասնագիտական ուսուցում), փորձնակի (աշխատանքային պրակտիկա)։ Ամեն մեկը կազմվում է ամբողջ փաթեթով, օրինակ՝ շապիկ, դիմում, ընդունման հրաման, աշխատանքային պայմանագիր, հավելված։

Քաղաքացիաիրավական պայմանագրեր (3 տեսակ)

Ծառայություն մատուցողի գրանցում, պայմանագիր, ծառայությունների հանձնման-ընդունման ակտ։ Ծառայությունների ռեեստրում երևում են կատարված և մնացած գումարները։

Արձակուրդներ (15 տեսակ)

Ամենամյա, լրացուցիչ, ուսումնական, պետական պարտականությունների կատարման, հայրության, երկարացված, հղիության և ծննդաբերության, մինչև 3 տարեկան երեխայի խնամքի, որդեգրման, ամուսնության, հարազատի մահվան, կրոնական արարողությունների, հիվանդ հարազատի խնամքի, կողմերի համաձայնությամբ անձնական, օրենքով սահմանված այլ չվճարվող։ Ամեն մեկի համար՝ դիմում և հրաման։

Գործուղումներ

ՀՀ տարածքում և ՀՀ-ից դուրս. ծառայողական առաջադրանք, հրաման, գործուղման վկայական (ՀՀ տարածքում), գործուղման հաշվետվություն։ Արտասահմանյան գործուղման օրապահիկի և գիշերավարձի չափերը՝ ըստ երկրների, ՀՀ աշխատանքի և սոցիալական հարցերի նախարարության ցանկից (գործում է 2026 թ. հունվարի 1-ից)։ Կանխավճարը կարող է լինել նաև արտարժույթով։

Համաձայնագրեր (2 տեսակ)

Աշխատանքային և քաղաքացիաիրավական պայմանագրերի փոփոխություն (ծանուցում, համաձայնագիր, անհրաժեշտության դեպքում՝ հրաման)։

Աշխատանքից ազատում (21 հիմք)

ՀՀ աշխատանքային օրենսգրքի համապատասխան հոդվածներով։ Ամեն հիմքի համար ծրագիրը կազմում է պահանջվող փաստաթղթերը (դիմում, համաձայնագիր, ծանուցում կամ բացատրության պահանջ), հրամանը, վերջնահաշվարկի տեղեկանքը և աշխատանքի մասին տեղեկանքը։ Ծրագիրը հաշվում է չօգտագործված արձակուրդի օրերը և նշում, թե վճարվում է արդյոք արձակման նպաստ։

Օժանդակ փաստաթուղթ

Աշխատակցի անվանաքարտ (բեյջ)՝ լուսանկարով։

• Ամեն փաստաթուղթ անցնում է «սևագիր → հաստատված» փուլերը (անհրաժեշտության դեպքում՝ «չեղարկված»)։ Երևում է, թե ով և երբ է կազմել և հաստատել։
• Փաստաթղթերը ներբեռնվում են PDF և Word ձևաչափով։
• Ձևանմուշները պահվում են տարբերակներով՝ ուժի մեջ մտնելու ամսաթվով և իրավական հիմքով։ Փաստաթղթի ամսաթվով ընտրվում է այդ օրը գործող տարբերակը, այնպես որ հին փաստաթղթերը մնում են իրենց ժամանակի ձևով։
• Խմբային գործողություններ՝ մի քանի աշխատակցի պայմանագրերը և անվանաքարտերը մեկ անգամից։

• Աշխատակցի ամբողջական քարտ՝ անձնական և օրենսդրական տվյալներ, հասցեներ, հավելումներ և պահումներ, աշխատանքի պայմաններ, ընտանիք, արձակուրդ, պատմություն, ֆայլեր։
• Հաստիքացուցակ՝ ըստ ստորաբաժանումների. հաստիքները, զբաղված և թափուր տեղերը։
• Տաբել՝ ամսական։ Այն ինքնաշխատ լրացվում է աշխատանքային գրաֆիկից, տոներից և փաստաթղթերից (արձակուրդ, գործուղում, բացակայություն և այլն)։ Անհրաժեշտության դեպքում բջիջը կարելի է ուղղել ձեռքով։
• Ուսուցումներ՝ ծախսերով։ Տվյալները գնում են ՁԵՎ 1-ԱՄՈՒ ձև։
• Ամեն ընկերության ստորաբաժանումների, պաշտոնների և հավելումների տեսակների ցանկը խմբագրվում է ծրագրում կամ բերվում է ՀԾ-ից։

• Աշխատակցի տվյալներ, աշխատակցի պատմություն, արձակուրդային օրերի մնացորդ (ցանկացած ամսաթվի դրությամբ), աշխատակիցների հոսունության գործակից (Turnover Rate)՝ ըստ ամիսների և ազատման հիմքերի։
• Վիճակագրական ձևեր՝ ՁԵՎ 1-Ա (տարեկան), ՁԵՎ 1-ԱՊ (տարեկան), ՁԵՎ 1-ԹԱՇ (եռամսյակային), ՁԵՎ 1-ԱՄՈՒ (տարեկան)։ Թվաքանակը, աշխատողների շարժը և ծրագրում եղած մյուս տվյալները լրացվում են ինքնաշխատ։ Մնացած թվերը լրացվում են նույն էջում։

• Մեկ ծրագրում կարելի է վարել շատ կազմակերպություններ՝ ՍՊԸ, ՓԲԸ, ԲԲԸ, ԱՁ, ՀԿ, հիմնադրամ, մասնաճյուղ։
• Ընկերության քարտում կան ռեկվիզիտները, գործունեության հասցեները (մարզ, համայնք), ղեկավարը, գլխավոր հաշվապահը և լիազորության հիմքը։
• Ղեկավարի և գլխավոր հաշվապահի պատմությունը պահվում է ըստ ամսաթվերի։

• ՀԾ-ից XML ֆայլով ներմուծվում են աշխատակիցները (ամբողջական տվյալներով), ստորաբաժանումները, պաշտոնները և հավելումների տեսակները։ Կոդերը նույնն են, ինչ ՀԾ-ում։
• Ներմուծելիս ծրագիրը ստուգում է տվյալները (օրինակ՝ ՀԾՀ-ն, ծննդյան ամսաթիվը, սեռը, փաստաթղթի վաղեմությունը) և համադրում է կոդերը։ Համադրումը հիշվում է հաջորդ ներմուծման համար։
• Աշխատակիցների տվյալները արտահանվում են ՀԾ-ի համար՝ XML ֆայլով։
• Արձակուրդի մնացորդները կարելի է ներմուծել Excel կամ CSV ֆայլից։